Home

அறிவித்தல்

 

பாடசாலை நடைபெறமாட்டாது:

எதிர்வரும் 27.11.21 சனிக்கிழமை, மாவீரர் நாளை முன்னிட்டு பாடசாலை நடைபெறமாட்டாது..

நிருவாகம்

 

அறிவித்தல்

 

பெற்றோர் கூட்டம்

பெற்றோர் கூட்டம் 23.10 சனிக்கிழமை காலை 11:15 மணிக்கு Brynskole ல் நடைபெறும்.

ஓவியப்போட்டிகள்

எதிர்வரும் 23.10.21 சனிக்கிழமை அனைத்து வகுப்புகளுக்குமான ஓவியப்போட்டிகள் நடை பெறும்.

ஆண்டு 1 - 5 வரை தாம் விரும்பிய ஓவியங்களை வரையலாம்.

ஆண்டு 6 இற்கான தலைப்பு ஆசிரியரினால் முன்கூட்டியே வழங்கப்படும் மாணவர்கள் அதை வீட்டில் பயிற்சிசெய்தபின் அடுத்தவாரம் வகுப்பில் வரைய வேண்டும்.

ஆண்டு 7 - 10 ற்கு வகுப்பறையில் கொடுக்கப்படும் ஓவியத்தைப் பார்த்து வரைதல் வேண்டும்..

உறுப்பெழுத்து, கட்டுரைப் போட்டிகள்

எதிர்வரும் 06.11.21 சனிக்கிழமை உறுப்பெழுத்து மற்றும் கட்டுரைப்போட்டிகள் நடைபெறும்.

ஆண்டு 1 - 5 வரை உறுப்பெழுத்து, வகுப்பில் ஆசிரியரினால் கொடுக்கப்படும் சொல்லியங்களை பார்த்து எழுதுதல் வேண்டும்.

ஆண்டு 6 க்கு முதல்வாரம் ஆசிரியரினால் கொடுக்கப்படும் தலைப்பை வீட்டில் பயிற்சி செய்து வகுப்பில் எழுத வேண்டும்.

ஆண்டு 7 - 10 வரை மூன்று கட்டுரை தலைப்புக்கள் முதல் வாரமே கொடுக்கப்படும். போட்டி நடைபெறும் நாள் வகுப்பில் 3 கட்டுரைகளில் ஒரு தலைப்பு ஆசிரியரினால் கொடுக்கப்படும் அக்கட்டுரையை எழுதுதல் வேண்டும்.

நிருவாகம்

அறிவித்தல்

நவராத்திரி விழா 2021

16.10.2021 சனிக்கிழமை காலை 09:30 -11:00 வரை Bryn பாடசாலை உள்விளையாட்டு மண்டபத்தில் நடைபெறும். இவ் விழாவினைம், 10 ம் வகுப்பு மாணவர்கள் இணைந்து நடாத்த உள்ளார்கள். இவ் விழாவிற்கு அனைத்து பெற்றோர்கள், மாணவர்கள் மற்றும் ஆசிரியர்களையும் அன்புடன் அழைக்கின்றோம். இவ் விழாவினை தொடர்ந்து வழமையான வகுப்புக்கள் 13:00 மணி வரை நடைபெறும்.

நிருவாகம்

 

அறிவித்தல்

 

ஆசிரியர் கூட்டம்:

எதிர்வரும் 02.10.21 சனிக்கிழமை அன்று ஆசிரியர் கூட்டம் நடைபெறவுள்ளதால் பாடசாலை 12.00 மணியுடன் முடிவடையும்.

நிருவாகம்

 

அறிவித்தல்

 

புதிய கல்வியாண்டு 2021-22

அன்னை பூபதி தமிழ்க்கலைக் கூடம் தொய்யன் வளாகத்தின் புதிய கல்வியாண்டு மீண்டும் Brynskole ல் ஆரம்பமாகிறது.

  • பாடசாலை ஆரம்பம்: 21.08.2021 சனிக்கிழமை.
  • நேரம்: 10.00-12:30 மணி.

எம் மாணவசெல்வங்களையும், மதிப்புக்குரிய ஆசிரியர்களையும் மற்றும் பெற்றோர்களையும் அன்புக்கரம் கொடுத்து வரவேற்கிறது அன்னை பூபதி தமிழ்க் கலைக்கூடம் தொய்யன் வளாகம்.

அன்பான பெற்றோர்களே குறோணா நோய்த்தொற்று காரணத்தினால் பெற்றோர்களுக்கு பாடசாலைக்குள் அனுமதி மறுக்கப்பட்டுள்ளது. மழலையர் வகுப்பு மற்றும் புதிய மாணவர்களை இணைக்க வரும் பெற்றோர்கள் மட்டுமே உள்ளே வர அனுமதிக்கப்படுவார்கள்.

பாடநூல் விற்பனை காலை 10:30 மணியிலிருந்து பாடசாலை முற்றத்தில் நடைபெறும். பாட நூல்களை வாங்ககுவதற்குரிய பணத்தை முற்கூட்டியே Vipps (இலக்கம் 692445) ல் செலுத்தியிருத்தல் வேண்டும்.

28.08.2021 ம் திகதியிலிருந்து பாடசாலை வழமைபோல் காலை 09:30 - 12:30 வரை நடைபெறும்.


நிருவாகம்.

 

அறிவித்தல்

 

புதிய கல்வியாண்டு 2021-22

30 வது கல்வியாண்டில் அன்னை பூபதி தமிழ்க்கலைக்கூடம்

  • அறிவொளி ஏந்தி ஒளிச்சுடர் பாச்சுவோம் !
  • அகிலமெங்கும் அன்னைத் தமிழ் புகட்டுவோம் !

மேலும் வாசிக்க ....

அன்னை பூபதி தமிழ்க் கலைக் கூடம் தொய்யன் வளாககத்தின் புதிய கல்வியாண்டு ஆவணி 21 சனிக்கிழமை ஆரம்பமாகும். பாடசாலை நடைபெறும் இடம், காலம் மற்றும் நடைமுறைகளுக்கான தகவல்கள் பின்னர் அறியத்தரப்படும்.


நிருவாகம்

 

அறிவித்தல்

 

திருக்குறள் ஒப்பித்தல்.

 

வணக்கம் பெற்றோர்களே !

எமது மாணவர்களின் மொழி ஆற்றலையும் உலகபொதுமறையான திருக்குறளை அடுத்த சந்ததியை சென்றடைய வேண்டும் என்ற நோக்கோடு நடத்தப்பட்ட அன்னை முற்ற திருக்குறள் நிகழ்வில் பங்கேற்க சந்தர்ப்பம் கிடைக்காத மாணவர்களுக்காக அன்னை தொய்யன் நிருவாகத்தினால் திருக்குறள் ஒப்பித்தல் நிகழ்வு ஒன்றை ஒழுங்கு செய்துள்ளோம் இவ் நிகழ்வுகள் இரண்டு பிரிவுகளாக Teams இல் 27.03.21 சனிக்கிழமை நடைபெறும்.

  • பிரிவு 1: வகுப்பு 1 - வகுப்பு 6 , வரையும், காலை 10:45 மணிக்கு ஆரம்பமாகும்.

 

  • பிரிவு 2: வகுப்பு 7 - வகுப்பு 10 , வரையும், காலை 11:00 மணிக்கு ஆரம்பமாகும்.

பிரிவு 1: பிரிவு 2 ஆகிய இவ்விரு பிரிவுகளும், இரு அரங்குகளாக TEAMS இல் நடைபெறும்.

இன் நிகழ்வில் உங்கள் பிள்ளைகள் இணைந்து கொள்ளவதற்கு, அவர்களிற்கான முழு ஊக்கத்தையும் ஒத்துழைப்பையும் வழங்குங்கள். அத்துடன் இந்நிகழ்வை பெற்றோர்களும் இணையத்தில் கண்டுகளிக்கலாம்.


நட்புடன், ஆசிரியர்கள், நிருவாகம்.

 

அறிவித்தல்

 

வருடாந்தப் பொதுக்கூட்டம் (Årsmøte)

வருடாந்தப் பொதுக்கூட்டம் பங்குனி மாதம் 13.03.21 அன்று காலை 12:15 மணிக்கு இணையத்தில் Microsoft TEAMS இல் நடைபெற இருப்பதால் இக் கூட்டத்தில் எடுத்துக் கொள்ளவேண்டுமென எண்ணும் விடயங்கள், வினாக்கள் என்பவற்றை பெற்றோர்கள் 25.02.21 க்கு முன் மின்னஞ்சல் வழியாக (toyenannai@gmail.com) முகவரிக்கு அனுப்பி வைக்கவும்.

  • ஆண்டு 2020 க்குரிய அங்கத்தவர் பணம் கட்டியவர்கள் மட்டுமே இணைந்து கொள்ளலாம்.
  • கூட்டத்திற்கு வருகை தந்த அங்கத்தவர்களை உறுதிப்படுத்துவதற்காக நிகழ்வுகள் அனைத்தும் பதிவு செய்யப்படும் என்பதை அறியத்தருகிறோம்.

வருடாந்த பொதுக்கூட்டத்துக்குரிய நிகழ்ச்சி நிரல் இத்துடன் இணைக்கப்பட்டுள்ளது.


நிருவாகம்

 

அறிவித்தல்

 

தமிழ் கல்வி, இணையமுற்றத்தில் (Teams)

இன்றைய கொரோனா நிலைமையை கருத்தில் கொண்டு தொய்யன் வளாகத்தின் தமிழ் கல்வி, எதிர்வரும் சனிக்கிழமை 07.11.20 இருந்து இணையமுற்றத்தில் (TEAMS) நடாத்துவது என திட்டமிட்டுள்ளோம். மாணவர்கள், ஆசிரியர்கள் மற்றும் நிர்வாகிகளின் சுகாதாரப் பாதுகாப்பபைக் கருத்தில் கொண்டு இம் முடிவு எடுக்கப்படுகிறது.

கடந்த வாரங்களாக நோர்வேயில் பரவிவரும் கொரோனா வைரசின் தாக்கம், எங்களின் நாளாந்த வாழ்கையை மேலும் மோசமாகப்பாதிக்க ஆரம்பித்துள்ளது. நோய்க்கிருமி தொற்றும் அபாயத்தை தடுக்கும் நோக்குடனே இம்முடிவு எடுக்கப்பட்டுள்ளது, ஆதலால் தேவையற்ற ஒன்று கூடல்கள், விருந்துபசாரங்களை தவிர்த்து பிள்ளைகள் மற்றும் சக மனிதர்களினதும் உடல் நலத்தில் அக்கறை செலுத்துமாறு பெற்றோர்களை உரிமையுடன் வேண்டிக்கொள்கிறோம்.

அங்கத்தவர், பாதுகாவலர் தகவல்களைப் புதுப்பித்தலுக்கான படிவம்.

இவ் விண்ணப்ப படிவத்தை நிரப்பி அனுப்புவதன் மூலம் தங்களுக்கான இணையமுற்ற பயனாளர் பெயர், கடவுச்சொல் என்பவற்றை அன்னை பூபதி தமிழ்க் கலைக்கூடத்லிருந்து பெற்றுக்கொள்வீர்கள். இத் தகவல்கள் தங்கள் மின்னஞ்சலுக்கு அனுப்பி வைக்கப்படும் ஆகவே காலத்தை கருத்தில் கொண்டு தாமதிக்காது இவ் விணப்பத்தை நிரப்பி அனுப்பவும்.

அன்னையின் மாணவர்களுக்கான தனிப்பட்ட மின்னஞ்சல் முகவரி ஒன்று அன்னையால் உருவாக்கப்படவுள்ளது. இது fornavn@elev.annai.no என்ற வடிவில் அமையும். இனிவரும் காலங்களில் இந்த மின்னஞ்சல் முகவரியே மாணவர்களின் அன்னையின் இணையவழிக்கல்வியின் (TEAMS) நுழைவு முகவரியாக அமையும். தங்கள் விண்ணப்பப்படிவம் கிடைக்கப் பெற்றதும் இவற்றைத் தயாரித்து தங்களுக்கு அனுப்பவுள்ளோம்.

https://விண்ணப்பப்படிவம்

நோர்வேயில் கொரோனா கிருமியால் ஏற்படும் பாதிப்புக்களை உடனுக்குடன் அறிய நோர்வே அன்னைமுற்றம்

https://invite.viber.com

 

நிருவாகம்

அறிவித்தல்

 

புதிய கல்வியாண்டு 2020-2021

அன்னைபூபதி தமிழ்ப்பாடசாலையின் ஆசிரியர்கள், மாணவர்கள் மற்றும் பெற்றோருக்கான முக்கிய தகவல்கள்!

அனைத்து மாணவர்கள், பெற்றோர்கள் மற்றும் ஆசிரியர்களையும் புதியதோர் கல்வியாண்டில் வரவேற்கின்றோம். என்றும்போல் அன்னைத்தமிழை வளர்ப்பதுடன், இன்றய காலத்தில் கொறோனா நோய் தொற்று வராமல் தடுப்பதுமே இக்கல்வியாண்டின் நோக்கமாகும். அனைவரையும் கொரோனா சம்பந்தமான பொதுவிதிகளைக் கடைப்பிடிக்குமாறு வேண்டிக்கொள்கின்றோம்.

அன்னை பூபதி தமிழ்க் கலைக் கூடம் தொய்யன் வளாககத்தின் புதிய கல்வியாண்டு ஆவணி 22 சனிக்கிழமை காலை 09:00 மணிக்கு ஆரம்பமாகும்.

Bryn பாடசாலை தற்போதைய நோய் தொற்றின் காரணமாக எமக்கு கிடைக்காததினால் எமது பாடசாலையின் வகுப்புக்கள் தமிழர் வள ஆலோசனை மையத்தில் தொடர்ந்து நடைபெறும்.

பாடசாலை மண்டபங்களிற்குள் மாணவர்கள் மட்டுமே அனுமதிக்கப்படுவார்கள். பெற்றோர்கள் வாகனத்தரிப்பிடத்தில் பிள்ளைகளை இறக்கிவிட்டு பின் பாடசாலை முடிவடையும் நேரத்தில் வந்து கூட்டி செல்லலாம்.

வாகன தரிப்பிட பற்றாக்குறை உள்ளதால் பெற்றோர்கள் பாடசாலை சுற்றாடலில் வாகனங்களை நிறுத்த முடியாது.

பாடசாலை ஆரம்பமாகும் போது வகுப்பு ரீதியாக வாகனதரிப்பிடத்தில் குழுமியிருக்கும் (1 மீற்றர் தூரம்) மாணவர்களை ஆசிரியர்கள் அழைத்து செல்வார்கள்.

வகுப்பறைக்கு செல்லும்போது கடைபிடிக்க வேண்டிய ஒழுங்கு முறை:

மழலையர்வகுப்பு, பாலர்வகுப்பு, ஆண்டு 1 - ஆண்டு 10 பாடசாலை முடிந்த பின்பும் இதே ஒழுங்கு வரிசையில் ஒவ்வொரு வகுப்பும் சில நிமிட இடைவெளிக்குப்பின் வெளியேறலாம்.

பாடசாலை மண்டபத்திற்குள் நுழையமுன் கிருமிநாசினியை/sprit கையில் பூசவேண்டும். வகுப்பறைகளிற்குள் சென்றவுடன் உங்கள் இருப்பிடங்களிற்கு (கதிரை மேசை) கிருமிநாசினியை பாவித்து துப்பரவு செய்தல் வேண்டும, அதேபோல் பாடசாலை முடிந்தபின்பும் உங்கள் இருப்பிடங்களை துப்பரவு செய்தல் வேண்டும் .

இடைவேளையின் போது மாணவர்கள் வகுப்பறைகளை விட்டு வெளியே செல்வதற்கு அனுமதிக்கப்படமாட்டார்கள், உண்பதற்கான சிற்றூணடிகள் மற்றும் குளிர்பானங்களை மாணவர்கள் எடுத்து வேண்டும். மற்றவர்களுடன் பகிர்ந்து உண்பதற்கு அனுமதி இல்லை.

பாடசாலையிற்குள் ஆசிரியர்கள், மாணவர்கள் மற்றும் நிர்வாகத்தினர் தவிர்ந்த வேறு எவருக்கும் அனுமதியில்லை.

ஒன்றுகூடும் அனைவரும் தமக்கிடையே 1 மீற்றர் இடைவெளியை பராமரித்தல் வேண்டும்.

ஒவ்வொருவரும் தங்கள் பொருட்களையே பாவிக்கவேண்டும். ஒருவர் கையால் தொட்டதை அவர்களுடைய குடும்பத்தைச் சேர்ந்தவர்களைத் தவிர மற்றவர்கள் தொடுவது தடை செய்யப்பட்டுள்ளது.

புதிய மாணவர்களை இணைக்கவரும் பெற்றோர்கள் நிர்வாகத்துடன் தொடர்பு கொண்டு தங்களுக்கு ஒதுக்கப்பட்ட இடத்தில் மட்டும் நிற்கவும்

பாடசாலையில் உள்ளே நிற்பவர்கள் தங்களுடய தொலைபேசி இலக்கம் மற்றும் பிற தொடர்புத் தகவல்களைப் பதிவிடுவதன் மூலம் அன்று சந்தித்தவர்களின் விபரம் சேகரிக்கப்பட வேண்டும். இத்தகவல்கள் நிர்வாகத்திடம் இருக்கவேண்டும். தேவை ஏற்படின் இவ்விபரம் சுகாதார ஆணையத்துக்கு தொற்றுநோயைக் கண்டறிய வழங்கப்படும்.

தொற்றுக்கட்டுப்பாட்டுப் பொறுப்பாளரின் வழிகாட்டுதல்களைப் புரிந்துகொண்டு அவர்களுடன் இணைந்து செயற்படவேண்டும்.

ஒவ்வொருவரும் தும்மும்போதும் இருமும்போதும் தங்கள் முழங்கையால் தடுக்கவேண்டும் அல்லது கைகுட்டைத் தாள்களைப் பயன்படுத்த வேண்டும், பின்பு கைகளைச் சோப்புப் போட்டு நன்றாகக் கழுவவேண்டும். கழிப்பறைக்குச் செல்பவர்கள் உள்ளே செல்லமுன்னும், வெளியே வரும்போதும் கிருமிநாசினியைக் கைகளில் எடுக்கவேண்டும். கைகளை நன்றாகக் கழுவவேண்டும்.

சுவாசம் சார்ந்த பிரச்சனை உள்ளவர்கள், சர்க்கரை நோய், இருதயநோய், புற்றுநோய் சிகிச்சை எடுப்பவர்கள் மற்றும் ஏனைய நோய் தாக்கத்திற்கு உள்ள நிர்வாக உறுப்பினர்கள், ஆசிரியர்கள் ;தங்கள் நிர்வாகத்திற்கு இதைத் தெரியப்படுத்தி அவர்களின் ஆலோசனை படி நடந்து கொள்ளவும்.

நோர்வேயில் கொரோனாவைக் கட்டுப்பாட்டில் வைத்திருப்பதற்கான, மேற்கூறிய தகவல்கள் யாவும் ஏற்கனவே நீங்கள் அறிந்தவையாக இருந்தாலும் இத்தகவல்களைத் தங்களுக்குத் தெரிவிப்பது பாடாசாலையின் கடமை.

நிருவாகம்

 

Pages

annai.no
Annai poopathi tamilsk kultursenter, Sentralstyre Postboks 145 Furuset,1001 Oslo